புதுப்புது அர்த்தங்கள்

நிலா:
தான் வாங்கிய கடனில்,பூமிக்கு கொஞ்சம்
பிச்சை போடும் வள்ளல்.


பெண்:
அழகும்,பயங்கரவாதமும் சேர்ந்த அசையும் காஷ்மீர்.

பணம்:
இருக்கும்வரை தேடி,
இறக்கும்போது விட்டு செல்வது

வரவுச்செலவு

அவளுக்கு செலவு , விழியோர‌ப் பார்வை.
எனக்கோ, புன்னகையுடன் சில நிமிடங்கள்.

அவளுக்கு செலவு, மெல்லிதாய் ஓர் புன்னகை.
எனக்கோ, கழிய மறுத்த ஓர் மணி நேரம்.

அவளுக்கு செலவு,என் பக்கத்து இருக்கைஅமர்வு,
எனக்கோ, வார்த்தைகள் வர மறுத்த ஓர் பொழுது.

அவளுக்கு செலவு, சிலிர்ப்பூட்டும் ஒரு விரல் தீண்டல்,
எனக்கோ, மனதில் சுனாமியுடன் ஓர் நாள்.

அவளுக்கு செலவு, சிலமணி நேர தொலைபேசி பேச்சு,
எனக்கோ, அரைமாத சம்பளம்.

கடைசியாய்...,

அவளுக்கு செலவு, ஓர் தொலைபேசி அழைப்பு.

இதில் மட்டும்தானடி பெண்ணே, எனக்கு வரவு.
தாடியும், கவிதையும்.


----‍தியாகராஜன்